لو قالوا عنك
بقلمي الشاعر محمد عبد العزيز رمضان
لو قالوا عنك يا حبيبتي
مش هصدق أو هبيع
أنت اللي جوايا بحقيقي
من غيرك انت راح هضيع
أنا مش ناسيك يا حياتي
يازهرة في حضن الربيع
قلبي عليك دايماً ينادي
وبنَّا حصن كمان منيع
لو قالوا عنك أى حاجه
مش هقولك يوم وداع
خليك جنبي عمري كله
بعدك أنت دا الضياع
أنا ياما كنت أتمنى إني
أعشقك من غير خداع
لو قالوا عنك حد قاسي
مهما قالوا عليك كلام
فاكر دموعي وألا ناسي
مش راح أرضى بالملام
كانت حكاية ما بنَّا حلوه
قصة مش وهم ومنام
لو قالوا عنك ليَّا خاين
مهما قالوا مش هخون
نجم الليالي علينا يشهد
قلتلي أنا ليك هصون
ونبض قلبي فيك يفكر
لو بعدت أنا مش هكون
لو قالوا عنا مش هينفع
تبقى ليا وأنا ابقى ليك
هقول كلامكم كله كدبه
يا حبيبي أنا دبت فيك
دي مش نهاية لا بداية
مش هخبي بخاف عليك
