بقلم: رضا الحصرى
قرأت واعجبني .. .. تعرف علي "الفرق بين سمك البوري والطوبار" .. فمعظم بائعي السمك والفسيخ
بيبيعون السمك الطوبار للناس علي إنه بوري ..
- وطبعاً الطوبار أرخص في السعر كثيرا عن البوري -
خليك معايا ودقق في الصورة الموجودة بالاسفل
لازم الناس تعرف إن الفسيخ ده عبارة عن سمك بورى مملح .. بس للأسف معظم الفسيخ اللى الناس كلها بتاكله مش سمك بورى ..
وحتى السمك البورى اللى الناس بتأكله مشوى أو سنجارى أو أيا كان الطريقة اللى بتأكله بها أساسا مش سمك بورى ولكنه يباع تحت اسم سمك بورى ..
فالسمك اللى الناس كلها بتأكله اسمه طوبار .. وهى سمكة من عائلة البوري وبيكون شبه البورى جدا ولكنه مش بوري وفيه أكتر من فرق فى الشكل الخارجى بيميز بين البورى والطوبار
البورى بيكون الفم بتاعه مفلطح جدا أو عريض شبه نص القوس وشفايفه كبيرة شوية وبيكون ضهره لونه (أزرق) غامق وبيكون فيه نقطة زرقة أمام الزعنفة الجانبية وخلف الخياشيم مباشرةً وبيكون فيه غشاء دهنى على عيون السمكة شبة الجفن الرامش اللى بيغطي عين الدجاج ..
الطوبار بيكون الفم بتاعه مدبب أو رفيع شوية والشفايف بتاعته رفيعة وضهره لونه اسود وفيه نقطة سودا قدام الزعنفة الجانبية بتاعته خلف الخياشيم مباشرة.
لو راجعتوا كده شكل السمكة اللى انتوا بتاكلوها على أساس إنها بورى حتلاقوا إنها طوبار بس البائعين بيقولوا إنها بوري لانه الاسم الأشهر ولأن البوري بيكون أغلى من الطوبار وهو المطلوب في السوق ..
وبرضوا للأسف فيه بياعين مش بيكونوا عارفين أساسا الفرق بين البورى والطوبار
فعائلة البوري فيها أكتر من نوع وهم: البوري والطوبار والسهلية والجرانة والدهبان .. وأطعم سمكة فيهم هى السهلية لكن تكون نادرة الوجوده وليست موجودة غير فى مناطق معينة ..
والصورة توضح الفرق الكبير بين البوري والطوبار.
